Recientemente Garage Centraal Aruba a ricibi e modelo di mas nobo di Hyundai Sonata 2022.
Alexander Dijkhoff, Agente di Benta na Garage Centraal a cuminsa na splica cu e auto ta ful rediseña, tanto paden como pafo. Tambe tin cambio den e streamline, mescos cu e otro modelonan Hyundai Elantra cu nan a ricibi. Sonata ta bay den e mesun liña hunto cu Azeera.
Hyundai ta bin ekipa cu su 360 camara, souround camara. Es decir, cu e tin camara dilanti, patras y den ambos spiel. Esey ta haci cu ora cu pone señal, den e dashboard, si pone señal banda drechi, por wak e pantaya, na banda drechi di pantaya. Ora di uza señal banda robes, den pantaya su dilanti e chauffeur tin un bista di kico ta pasando na banda.
E auto tin su lineassist y su linewarning, dus unabes cu e auto ta bay pasa, den dashboard y den spiel ta duna indicacion cu auto ta bay pasa. Tur esaki ta pa siguridad. Tambe e auto ta bin cu reem ful nobo 18 inch, ful rediseña.
Su caracteristica di siguridad ta encera cu Sonata tin airbag dilanti, airbag den sienta, curtain airbags, cu ta pa safety di auto, ABS. Tur e caracteristica di siguridad cu por pensa, e auto aki ta bin cu ne.
Ademas di esaki, parti paden ta ful diseña di nobo, anteriormente tabata hay’e cu seatheater so, cu na Aruba nos no ta uza. Pero esaki ta bin cu seatheater y seatcooler. Unabes cu drenta e auto, unabes primi boton di seatheater, e ta tene ful curpa fresco (cool) cu ta haci cu no ta bira hopi calor den auto. Hopi hende tin percepcion cu cuero ta haci cu bira hopi calor. Pero den caso aki, ta cende heatventilation, e ta tene e curpa na un hopi bon temperatura.
Pa loke ta dashboard, tambe ta ful diseña, ekipa cu varios ‘mode’, es decir sportmode, economy mode y normal mode. Cada biaha cu cambia di mode, rib’e dashboard lus ta cambia. Si cualkier dia e chauffeur lubida den cual mode e ta coriendo aden, luz riba dashboard ta indica den ki mode ta coriendo.
Un otro feature ta cu e auto ta bin c’un moonroof of panorama roof. Si den dia, por cera esaki si solo ta un strobacion of anochi, door cu e dak ta ful di glas, por habrie completo pa por wak.
Ora di reverse, e duna un guideline unda e auto ta bay.
FEATURE
Algo cu ta hopi handig pa cualkier chauffeur ta cu e auto ta remote entry, remote start, unda cu yabi por ta den saco of cartera. Pa e damanan, den tas. Nunca mester di mishi cu yabi, pushbutton start, auto ta start automaticamente.
Dijkhoff ta haci invitacion pa pasa admira na Sonata 2022, pero tambe ful nan line-up di Elantra, Tucson cu ta un auto modelo hopi pidi y hopi hende ta sperando rib’e auto aki. Pasa libremente na Garage Centraal Aruba for di 8:00 am te cu 5:30 pm, for di dialuna te cu diabierna y diasabra di 8:00 am te cu 1:00 pm. Cada un di e salesmannan aki ta cla pa yuda pueblo di Aruba pa scoge un di nan modelonan Hyundai.
