Diasabra mainta trempan un poco despues di 8’or testigonan ta wak un auto blanco baha caminda y bay dal den un mata di kwihi dilanti e oficina di Avianca na Engelandstraat y un homber ta sali na careda.
Ta trata di un Chevrolet Aveo numera A-75335. Aparentemente ta un pareha cu lo tawata den un discusion pisa.
E homber lo a baha bay na pia abou y cu machete den man drenta den mondi den cercania.
Diferente unidad di polis a rondona e area y a cuminsa un buskeda den e area pero sin resultado.
Mientrastanto ambulance a bin na e sitio pa atende cu e dama herida. Parce cu separa di e golpi di e accident el a haya golpi caba for di e homber.
Ambulance a bay cu ne for di e sitio y por a nota cu e tawata tur desorienta. Polis a tuma tur datos y e caso ta bou investigacion.
