Luna Foundation tin un area na Aruba unda cu nan ta atende cu cacho. Ta haya entre otro yamada pa motibo cu tin algun doño no ta cuida nan cacho. Ta trata aki di cacho malo, hende kier deshaci di nan cacho, pero tambe p’e hendenan cu tin cacho na nan cas pero ta cuida nan asina malo cu dado momento, Luna Foundation ta cay aden y ta bay cu e cachonan, p’asina duna nan un miho bida.
Zoraida Conijn, ta presidente di Luna Foundation y nan tin un trabao importante pa traha na Aruba. E ta conta cu te aworaki e aña a habri suave y trankil.
Luna Foundation su rol ta importante den comunidad, despues di a mira maltrato di cacho na hopi cas na Aruba. Prome cos, si bo no kier of bo no tin e recurso pa cuida un cacho, no bay busca un. E cachonan mester di mas cu cuminda. Nan mester ta cuida, nan tin cu haya nan vacuna. Nan mester ta opera, sino nos cayanan ta sigui yena cu cacho. Si bo no kier cacho, no tuma nan.
Conijn a comenta cu e ta deal miho cu cacho compara cu hende, mirando tur e maltrato cu tin riba nos isla. E cachonan no a pidi p’esey. Si no kier nan, no tuma nan. Si bo tuma un cacho, ta un responsabilidad. Ta algo cu bo mester haci bon pa y cu nan.
Pa cuida e cachonan, Luna Foundation mester di boluntario, hende cu curason pa bestia pa asina duna un man p’e cuido diario.
Loke hende no ta compronde cu ora cu yama Luna Foundation cu kier regala nan cacho. Esey no ta sosode asina y e cachonan ta cuida nan mes. Luna Foundation tin 80 cacho cu 80 haula cu mester ta limpi tur dia. Esta piki sushi dje cacho, lab’e cu detergente pa hole dushi, p’e cachonan ta limpi. Nan no a pidi pa ta cera. Pa nan ta na Luna Foundation, nan mester ta bon cuida y p’esey mester di hende cu kier yuda haci e cacho nan haulanan limpi, duna nan cuminda, cana cu nan, duna nan amor y cariño. En todo caso, yuda Luna Foundation cuida e cachonan aki.
Pa un cobertura mas amplio lesa e edicion di TREMPAN di mañan.
