Despues di a bataya pa casi dos siman pa e titulo maximo, e Interliga di baseball di Aruba Little League a yega su final den e divisionnan junior y senior. Mester bisa cu bou di un entusiasmo grandi den stadion di Nadi Croes/Crismo Angela na Sta. Cruz e weganan final a tuma lugar.
Den e division Junior, e fuerte ekipo di Center League no a laga duda cu nan ta e miho ekipo e aña aki ora cu nan ta gana e combinacion di North/South esta NAS tur nan weganan. Tanto diasabra como diadomingo e ekipo di Center tabata superior y merecidamente a bay cu e titulo di campeon. Manera a anuncia anteriormente cu e aña aki e campeonato Latino Americano di baseball Junior League lo tuma lugar na Aruba mes.
Esaki ta significa cu tur dos seleccion tin e derecho di representa Aruba, no mas cu Center League lo bira Aruba 1 mientras cu North/South(NAS) lo bira Aruba 2. Pa loke ta e final den e division di Senior, esaki tabata un sigur di hopi maneho, strategia y pitcheo di ambos banda, unda e ekiponan di Center y North a duna e publico presente un señor di baseball pa mira.
Diasabra e ekipo di Center ta gana North cu e score di 5 – 1, pero pa su majan North ta bin por la goma y gana nan wega 12 – 2 for di Center. Dialuna mester a hunga un di tres wega, esun decisivo y aki North League a demostra di tin e rosea mas largo caminda nan ta bin gana e wega for di Center cu e score di 13 – 0 y titula campeon e temporada 2018 y tambe e derecho di representa Aruba den e campeonato Latino Americano 2018 cu lo tuma lugar na nos hermana isla di Corsow.
Stichting Sportsubsidie Aruba tambe a yuda subsidia e campeonato di baseball di Aruba Little League. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
