Lotto, E Loteria di Aruba di antemano kier a desea nos pueblo un feliz temporada di Pasco y Fin di Aña. Alavez kier anuncia cu pa e temporada aki ta bay tin un orario adapta pa loke ta e sorteonan y oficina.
E orario di sorteo pa e dianan di fiesta ta lo siguiente: 24 di december 2018 ta bay tin un sorteo cu lo tuma lugar 6:30 PM, bo por cumpra weganan preferi di Lotto te cu 6:15 PM. Dia 25 y 26 di december no lo tin sorteo. Dia 27, 28, 29 y 30 di december 2018: Sorteo ta continua normal 2:30PM y 9:00PM.
Dia 31 di december 2018 lo tin un sorteo cu lo tuma luga 6:30PM, benta ta cera 6.15PM. Dia 1 di januari 2019 lo no tin sorteo. Desde 2 di januari 2019 en adelante sorteo ta normal 2:30PM y 9:00PM.
Pa loke ta trata orario di oficina esaki ta lo siguiente: oficina ta cera 24, 25, 26, 31, 1 y 2. Esaki ta conta
pa oficina di Oranjestad y San Nicolas. 27 di december oficina ta habri orario
normal, 28 di december oficina di San Nicolas ta sera y oficina principal di
Oranjestad lo ta habri for di 8:00 AM te cu 11:30 AM.
Gerencia y Staff di Lotto, E Loteria di Aruba ta desea un y tur un Feliz Pasco y un Prospero 2019.
Lotto, e loteria di Aruba tin 9 diferente wega; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega, y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
