Lockdown total: Acceso di salubridad ta limita na Surnam

994

Surnam ta bay den un lockdown completo desde dia 4 juni pa 6:00PM te cu dia 12 juni pa 6:00AM debi cu e cantidad di casonan di COVID-19 a subi di 23 pa 55 caso. Esaki ta nifica cu tur hende mester keda cas durante e lockdown aki. Ta haci esaki pa preveni cu e COVID-19 sigui plama, asina e vice presidente Ashwin Adhin a bisa e pais. Acceso na salubridad ta limita.

E final di e aumento aki ainda no ta visibel, segun Adhin. E pais ta den fase di propagacion local. E pais ta sigui manera tur otro pais e supuesto curva di contaminacion. Esey ta nifica cu p’e proximo dianan mas hende ainda lo contagia. Desde maart e gobierno Surnameño a indica cu nan sistema di salubridad no por cu outbreak di COVID-19.

Realidad ta cu na e momentonan aki Surnam ta den un outbreak. Segun Adhin, ta keda na nan pa sikiera yuda evita contagio. E ta kere cu ta importante pa garantisa e servicionan di salud y siguridad. Esey por pasa solamente ora di keda cas.

Samenscholing durante e lockdown total ta keda te cu 5 persona. Tur compania no esencial tin cu cera. E ministerio di Comercio, Industria y Turismo ta e organismo cu ta provee e lineanan di guia pa companianan cu ta habri. E vice presidente a bisa cu e gobierno sa cu cada ken mester sostene nan famia. “Nos sa cu mester cuminda na cas,” el a bisa.

Supermercadonan, luganan chikito di berdura, panaderianan, carnicerianan, servicionan di cuminda di restaurantnan pa delivery, boticanan y pumpstation lo ta habri di 8:00AM pa 5:00PM. Tambe den auto por ta solamente 2 persona, inclui den taxi.

E ta conseha hendenan pa aumenta nan resistencia den e proximo periodo: bebe suficiente awa, come hopi fruta y berdura. E medidanan di COVID-19 no t’ey pa molestia hendenan. Literalmente e bida humano ta den wega. A mira imagennan di Merca, Ecuador, Italia y Brasil y no kier sufri e mesun destino, segun e vice presidente.