Despues cu e turistanan a haci masha draaimento riba santo blanco cu quadracer na Eagle Beach, despues bay dal tambe na Camacuri, pueblo ta atento. Coremento riba santo blanco ta contra ley. Parke Arikok ta masha atento pa e comportacion robes di esnan cu ta purba drenta Parke. E dianan aki tin desconocinan cu tabata tin e curashi pa bay hala baranca pa asina nan tin acceso den Parke Arikok. Despues cu a cera atrobe entrada ilegal, a bin descubri un grupo di local e biaha aki cu UTV na Beach di Daimari. Polis a ser avisa ora e cuidadornan di Parke Arikok a topa cu e grupo.
E prueba tey cu e grupo a subi beach cu e vehiculonan pa Off Road. E Polisnan a parti multa pa e mal comportacion. Bo ta haya bo den un gasto inecesario pa motibo di mal comportacion. Despues di haya multa nan mester a bandona Parke Arikok tambe. Ta importante pa graba e tipo di actonan asina y avisa Polis mesora. Nos beachnan mester ser cuida. E turistanan poco dia pasa a causa un disgusto den nos comunidad. Awor nos mesun localnan ta faya.
