Exprodesk a cuminsa cu un siman hopi druk cu hopi interes. A mira e necesidad pa bin cu tayernan pa comerciantenan.
Sharon Meijer ta policy advisor di foreign economic relation y unidad di Exprodesk. Desde September cu a habri nan portanan, ta brindando diferente tayer na nos negoshantenan, pero a haci tambe recientemente un Aruba Small Business Event y a base di esaki, riba e dia aki no por a bay den profundidad den diferente topico.
Door di esey, e siman aki, cu ta e Business Week 2018, Conquering New Horizons, ta bezig ta amplia riba temanan cu tabata necesario y cu a bin dilanti tambe durante e Small Business Event.
Por mira atras den un apertura exitoso cu hopi interes den negoshantenan chikito y mediano pa asisti. Loke cu ta haya importante tambe ta pasobra ta haciendo dos estudio awor aki. Un di nan ta bareranan pa exportacion. E estudio aki ta practicamente cla caba. Tin mañan, Tiana Mora, kende ta yuda Exprodesk cu e estudio di sectornan di servicio y con pa exporta esaki. A base di e dos estudionan aki, mañan ta haya, aunke durante full e siman ta pidi e empresanan pa nan input, pa nan colaboracion y despues di e Business Week 2018, Departamento di Asuntonan Economico, lo traha e export policy, e maneho pa nos negoshinan chikito y mediano, referente exportacion.
Meyer ta gradicido na tur e negoshinan, nan colaboracion y tur e input cu ta ricibiendo caba te awor aki y e interes hopi grandi cu nan tin pa topiconan, manera E-commerce, online payment, tambe nan tin preguntanan riba financiamento. Tur e areanan aki ta wordo toca den e siman aki te cu diabierna awo, dia 13 di Juli.
