Riba 7 di maart di 2020 a inicia cu trabou na e ex-crusada di Palm Beach pa convertie den un rotonde. Pa cu construccion di e rotonde, a parti e trabounan den dos fase, fase I y fase II. Awe durante un conferencia di prensa, director di DOW, Marlon Croes a anuncia cu a prome fase ta cla y lo habri mita rotonde diaranson awo.
E prome parti di rotonde a conoce algun reto, pero conhunto cu contratista y compania di utilidad, a logra regl’e y avansa mesora.
Awo oficialmente por anuncia lo drenta den fase II
Fase II ta e banda pariba di rotonde, cual e ruta di Playa pa Noord. Lo habri banda pabou di e rotonde diaranson awo, cual ta di Malmok pa Playa. Lo habri e via tambe cu ta bin for di South Beach Bar. Facilmente por sigui pa Playa of si kier bay direccion pa Noord lo tin un via apart ilustra pa algun borchi pa bay via Keito.
Pa e fase II, lo dura ocho siman largo. E meta ta pa finalisa e rotonde na fin di augustus. E cambio mas grandi ta pa e automobilistanan cu ta bin for di Playa. Lo desvia e trafico via Keito pasa pa Palm Beach y sali bek riba Avenida Nelson Oduber.
Ora fase II termina na fin di augustus, lo cer’e pa un luna y lo habri e rotonde bek oficialmente na september.
