Diabierna merdia a sosode un acto di agresion na Guarda Nos Costa (GNC), a base di e sucedido aki, Minister di Husticia y Asuntonan Social, Rocco Tjon a reuni cu director di GNC. Segun e mandatario, e punto di salida di Ministerio di Husticia y Asuntonan Social semper ta cu ta respeta ordo di hues y esaki a wordo instrui na GNC por escrito.
“Nos ta kere firmemente cu cada proceso tin cu cana su caminda segun proceduranan stipula pa ley. Pa loke ta e parti di agresion, lo cuminsa un investigacion disciplinario inmediatamente. Den esaki, probablemente lo investiga Melvin Ras, cu ta un shopsteward di sindicato cu ta representa e trahadonan di Guarda nos Costa. Minister kier ta sigura cu Ras no a uza forsa excesivo ora cu un hende muhe a purba subi tereno di Guarda nos Costa sin permiso.
“Por ultimo, Ministerio di Husticia y Asuntonan Social ta condena tur esnan cu no ta mantene nan mes na procedura segun nos ley, mas aun, ora ta trata e derechonan fundamental di e ser humano, nos no ta tolera ningun tipo di agresion, contra ningun ser humano”.
