E lidernan Europeo a acorda e presupuesto anual nobo y e fondo di reparacion di Coronavirus. Despues di mas di cuater dia di negociacion, Presidente di Union Europeo, Charles Michel, a confirma awe mainta tempran cu nan a yega na un acuerdo. Presidente Frances, Emmanuel Macron a papia di “un dia historico pa Europa.”
E negociacionnan riba e presupuesto multi-anual tabata mas dificil di lo normal debi na e fondo di recuperacion di 750 mil miyon di Euro asocia pa yuda e paisnan recupera for di e coronacrisis. A dicidi riba e fondo cu 390 mil miyon den subsidio y 360 mil miyon den prestamo. E Comision Europeo lo recauda e placa riba e mercadonan capital, cu e presupuesto como garantia.
Hulanda no tabata na fabor di un fondo di recuperacion y no a apoya atrabes di subsidionan, cu no mester paga bek. Prome Minister Mark Rutte finalmente a cambia su posicion riba esaki, pasobra e gran mayoria di e gobiernonan tabata kier subsidio pa e paisnan miembro mas afecta pa e virus di corona. Tambe por a obtene garantia riba con lo gast’e, concentrando riba reforma economico. Segun e Prome Minister Italiano, Guiseppe Conte, e fondo di recuperacion, oficialmente yama NextGenerationEU, ta “e decision economico mas importante desde introduccion di e Euro.”
E lidernan a acorda un presupuesto di 1074 mil miyon di euro for di 2021 pa 2027. Entrante 2021, Hulanda lo ricibi un descuento mayor di 1,92 mil miyon di euro den e pago anual di UE (awo 1,57 mil miyon) y awo por tin 25 na luga di 20 porciento di e derechonan di Aduana recauda na e waf di Rotterdam na nomber di Brussel, entre otro, por tum’e. Esey ta eleva rapidamente na mas di 100 miyon di euro.
E cumbre di UE parce di tabata mas largo cu por a corda na Brussels, pero a perde e hazaña aki den mey ora. Durante y rond di e negociacionnan dificil, a bisa hopi palabra dificil. Prome Minister Mark Rutte, kende a asumi e papel di capitan di e paisnan “economico”, tabata obheto di critica.
Rutte a ricibi recientemente e aprobacion di e principal accountant, Jules Muis, ex director general y internal auditor di e Comision Europeo, kende a pidi rindimento di cuenta di cientos di miles di miyones di subsidio di UE.
