Segun resumen semanal di awe diabierna, 256 persona a recupera den e siman aki y un total di 343 caso nobo di COVID-19 a keda registra. E cantidad di casonan activo di COVID-19 pa diabierna ta 203 y cantidad di fayecidonan relaciona cu COVID-19 ta 212.
Data ta ilustra e casonan nobo di COVID-19 cu un averahe semanal di 49 caso positivo pa dia y un averahe di ‘Positivity rate’ semanal di 58% pa dia. E cifranan aki ta indicacion cu nos comunidad mester mehora e aplicacion di e medidanan personal di prevencion ya cu cantidad di esunnan infecta pa dia y pa siman ta subiendo.
Actualmente na Aruba tin 4 persona interna cu of debi na COVID-19 di cual tur ta riba piso general y na Colombia no tin ningun pashent di COVID mas. Ban cumpli cu disciplina pa cuida nos mes y otronan pa evita cu e virus ta sigui plama.
