Fundacion Instituto Formacion Politico Digna Lacle-Herrera lo tene un charla yama “Comportacion inaceptabel na pia di trabou”, orador pa e charla aki lo ta Karin Bosman.
Ryçond Santos do Nascimento, parlamentario y alabes presidente di Fundacion Instituto Formacion Politico Digna Lacle-Herrera a cuminsa na splica cu mañan 12 di mei lo tin un charla cu ta hiba e nomber Comportacion inaceptabel na pia di trabou”. Motibo cu a scoge e topico aki ta pasobra Aruba tin un aspecto preocupante, cu ta e aspecto di machismo. E aspecto aki tin tendencia cu no ta respeta hende muhe na pia di trabou, esaki ta un problema grandi na Aruba.
Algun aña pasa a yega di haci un lectura tocante di e topico aki caba, tambe a sigui skirbi riba e topico pasobra e topico aki no ta haya e debido atencion. N’e momentonan aki tin mas haci riba e topico aki. Do Nascimento a menciona cu durante e lectura lo dedica temo pa trece dilanti e estudio cu a haci na Aruba.
E orador lo ta Karin Bosman, el a yega di duna varios charla caba na Aruba por hempel na Universidad di Aruba y paFundacion Instituto Formacion Politico Digna Lacle-Herrera. Bosman ta un persona no-politico pues e topico no ta algo pa haci politica cu ne sino mas bien pa haci un yamada na tur esunnan concerni.
E lectura lo ta dia 12 di mei cuminsando for di 7:30 di anochi y lo tuma luga na Cas di Partido AVP. Ryçond Santos do Nascimento ta invita un y tur p’asina por vocifera nan pensamento tocante e topico aki.
