Diadomingo alrededor di 9:15 polis a presenta na FCCA y Departamento di Asuntonan Social ta, banda di Wendy’s riba boulevard. Na e sitio nan a papia cu un persona encarga cu e edificio. El a splica e agentenan policial cu ladronnan a kibra un vitrina patras di e unit grandi di airco y a drenta e luga.
Como cu ta diadomingo y e oficina ta cera, dialuna e trahadonan tin cu mira kico tur falta y haci un inventario pa duna polis. Den un tempo corto, esaki ta di dos biaha cu ladron ta bishita e edificio aki. E ladronnan un biaha mas a haci uzo di e mesun modus operandi di manda un obheto door di e vitrina.
E edificio tin yen camara rond y polis lo mira si e cameranan a capta esnan cu a drenta e edificio. E agentenan policial presente a tuma e denuncia di loke a pasa.
