Atrobe ladron ta sigui terorisa Yucuri y vecindario di Santa Cruz. Habitantenan ta sali bay traha y ladron ta vigila y wak e momento cu cas ta bashi pa drenta. Camera di seguridad a graba e ladron.
El a yega haya porta na lock y djey cu cuchiu a logra habri e porta. Parti patras a drenta y sali di e cas na Yucuri. Hopi keho tin pasobra diariamente hendenan ta yega cas y ladronnan a haci bishita indesea. Ladron a bay cu Xbox One, Controller di 300 florin, Laptop HP, El Gato HD, un microfoon pa stream, studio, e doño di cas su joyasnan. Un cadena di oro cu diamante aden
tambe a disparce.
Ladron ta sigui activo den Yucuri y vecindario
Ladron ta sigui activo den Yucuri y vecindario. Click e link pa e storia completo. https://24ora.news/2DWWMs3
Posted by 24ora on Wednesday, May 8, 2019
E ladron aki a yega horta caba y ta vigila e cas pasobra el a bay straight den un camber. E cosnan horta ta core riba 2000 florin. Keho a ser entrega y no a constata finger prints. Si abo ta reconoce e persona aki, yama 6619012. Bo tip ta importante pa kita e ladron for di caminda y evita cu mas cas ta haya bishita indesea durante bo ausencia.
