Algun dia pasa anochi auto a dal un persona conoci riba e crusada di Professor Lorentzstraat cu Emmastraat. Diamars anochi atrobe auto a dal un persona di edad cu a crusa caya sin pega tino.
E dama chauffeur no a mira e peaton cu diripente a yega su dilanti. E impacto a causa cu e peaton masculino a bay halto dal cabes fuertemente den windshield. E tabata sangra basta.
Auto a dal peaton na Socotoro
Posted by 24ora on Wednesday, May 8, 2019
Polisnan di trafico cu a yega a pidi mesora pa Cuerpo Tecnico. E victima tabata mustra grave pero e tabata parcialmente na tino. Ambulance a sali cu urgencia pa Hospital. Polisnan a cuminsa investigacion na e sitio.
