Un empleado publico J.H. ta bou investigacion pa miembronan di Lands Recherche y RST. E ta traha na Migracion na Aiport. Pa hopi tempo caba ta papia di e empleado aki riba cosnan cu tin di haber cu stranheronan cu ta yega Aruba. Ta ser bisa cu e empleado aki ta ricibi placa ora cierto pasahero yega Aruba y pasa imigracion. Despues di un investigacion largo a bay na e apartamento di J.H. na Turibana.
No a detene. Mas bien a confisca su telefon y tambe a confisca basta cos cu tabata tin den cas. Documentonan, Laptop cu celular ta parti di loke a keda confisca. Tambe a bay cu e badge di trabou. E empleado aki a meld ziek tambe diaranson cu ta su dia di trabou. Na trabou na Migracion Airport tambe miembronan di RST a bay coba den su locker. Entre e empleadonan tabata papia tambe cu e tin di haber cu caso di oro pero tur e comentarionan aki ta rumornan.
Tambe tin sospecho cu mas trahado di Migracion ta tuma placa y asina laga pasaheronan di Venezuela pasa. No ta conoci si tin mas trahado cu lo haya bishita di autoridad pronto. Pa awor no a mira necesidad pa detencion di J.H. Aki por mira e yegada na oficina di Lands Recherche di funcionarionan cu basta caha yen y confisca na e apartamento di J.H. na Turibana.
