Ultimo simannan aki tirado di canaster pa coy pisca a cuminsa haya falta di nan canasternan. Ta mas cu un ta kehando cu nan canaster a ser lanta of horta. E canaster no ta mesun caminda mas. E mensahe ta bay na esun of esnan cu ta prestando nan mes pa e ladronicia aki pa wak nan caya. Tin wowo riba boso y lo por causa boso libertad.
Lo denuncia boso pa e ladronicia aki. E ladronicia aki ta tumando luga den e area di Paardenbaai y rond di waf den e lama caminda normalmente hende no ta landa. Esey kiermen ta hende cu ta bay duik tira pisca den zona prohibi ta topa cu e canasternan y hortanan. Algun dia pasa a topa cu uno benta banda di Ex Bushiri Hotel. Esaki mester bay como un advertencia pa despues no yora malai.
