Tres pashent a bandona Cuido Intensivo di hospital

Un noticia positivo a yega den un relato di hospital, pa loke ta e pashentnan di Covid-19 interna. E cantidad di personanan interna den Cuido Intensivo a baha. E trabou intenso cu profesionalnan di dr. Horacio Oduber Hospitaal ta haci ta duna resultado.

E informe di 14 di september ta ilustra cu na e momentonan aki tin 10 persona den Cuido Intensivo. Tres persona a sali di e unidad aki y uno a bin acerca. Di esnan interna riba piso di Covid-19 tin aworaki 25 pashent, cu ta shete menos cu e dia anterior.

Banda di esaki tin tres pashent cu nan ta sospecha cu tin e virus pero no a haya nan resultado ainda.

Loader Loading…
EAD Logo Taking too long?

Reload Reload document
| Open Open in new tab

Download [135.23 KB]

Pa loke ta e ultimo cifranan duna door di DVG su crisisteam, tabatin 52 caso nobo pa yega na un total di 1486 caso positivo y 18 caso di fayecimento for di maart pa awo cu ta relaciona cu Covid-19.

Denter di algun rato DVG lo tin un update di casonan positivo nobo registra, y casonan di pashentnan recupera.