Mainta trempan un trahado tabata yegando pia di trabou y a mira diferente artefacto y cos benta abou memey caminda. Na momento cu e trahado femenino a habri porta di Sweet Tropical Laundromat, situa den Ford straat, a mira cu nan a haya bishita no desea.
El a ripara cu ladron a tuma su tempo y kisas a probecha cu tin toque de queda pa kibra e shutter di cement. El a drenta e luga, reboltia esaki y bay cu mas of menos 3.000 florin na moneda cu tabata den e negoshi y un radio. Aunke el a bay cu hopi placa, asina mes el a laga algun moneda florin atras.
El a notifica polis di loke a pasa. E agentenan a presenta na e sitio y a tuma dato pa traha nan rapport di e atraco. E muhe a comenta cu no mucho tempo atras tambe el a yega trabou y a mira e candal kibra y e porta parcialmente habri. E momento ey ladron a bay cu mas o menos 1.500 florin. Investigacion lo determina si ta pone man riba esun of esunnan responsabel. Ta sinti cu ta e mesun persona ta haci su mes culpabel na e acto aki.
