E personal di Kustwacht a haci un otro rescate riba lama. Nan a sali riba yamada di emergencia cu a drenta.

Tabata alrededor di 8or di diadomingo anochi cu Kustwacht mester a bay den accion. Kustwacht tin diferente tarea y Search and Rescue ta un di e tareanan. Segun e yamada ta un boto local pabou di e Hotelnan grandi cu mester di yudansa. Motor a paga y nan no por yega tera. Tabata tin tres adulto y un mucha abordo. E boto ta “Miracle Side 2” cu registracion A-2337.

Despues di yega na e boto e personal di Kustwacht a aborda y pa mira si tur hende ta ok. Djey cu e Metal Shark mes nan a tow e boto hibe te banda di Cas di Gobernador na Playa y eynan a saca e boto. Un problema riba lama cu a caba bon danki na e yamada rapido y reaccion rapido tambe di Kustwacht.

Comments

comments