Parlamentario Endy Croes kier para keto un rato y ta boga pa reflexiona. El a tuma nota di un grupo di sindicatonan a cuminsa uni moviendo den un direccion reclamando indexering. E Parlamentario porcorda mesun tipo di movecion den añanan 2007 y 2008. Croes a bisa cu e no tin nada contra cu sindicatonan kier busca miho pa nan grupo cu nan ta representa. Talbes usando un documento cu Mike Eman a firma na juli 2017 den porta di eleccion comprometiendo indirectamente e gobernacion cu ta continua sin tin cu nes e sostenibilidad financiero di un pais. Pero den bida tin un palabra hopi importante y esaki ta e palabra “HUSTO”. 

Hulanda ta presiona

Hulanda ta presionando gobierno pa “massa ontslagen” di ambtenaarnan di cual e gobierno social democrata aki cu tin e hende central ta rebeldia y mustra Hulanda cu no lo tuma e decision aki. Den protocol tin firma cu gastonan di personal mester alcansa 479 miyon den 2019, pues 6 miyon menos cu 2018 di cual e gobierno ta logrando basa riba entre otro no renoba contractonan y hendenan cu bay cu pensioen no lo pone otro na nan luga. Cifranan di CBS y Banco Central enrealidad ta indica di un inflacion di 3.6% den 2018. Cos no ta facil y ta como pueblo nos mester carga esaki. 

Presionando pa indexering

Sindicatonan kier cuminsa nan movecion pa presiona gobierno pa indexering di 3.6% cual ta igual na 28.8 miyon florin. Parlamentario Endy Croes ta puntra pueblo si esaki ta “HUSTO”? E ta puntra sindicatonan si nan timing ta corecto y si ta compronde e consecuencia cu esaki lo tin pa pais y relacion cu Hulanda y si esaki ta “HUSTO”? Hulanda no kier acepta ni 1.4 miyon di Social Crisis Plan on top di 479 miyon di gastonan di personal. Den bida e palabra “HUSTO” banda di e palabra “RESPONSABILIDAD” ta pisa masha hopi. 

Endy Croes ta spera cu por pone e aspecto politica un banda y mira consecuencianan di un pais pa cu su futuro generacion na prome luga y tur contribui pa nos por saca e pais aki for di e abismo. 

Comments

comments