Djamars 13 di novèmber 2018, ‘Hato Politie’ (ku ta konsistí di personal di Korps politie Curaçao i Koninklijke Marechaussee) konhuntamente ku ‘Airport Police’ e unidat di ‘Curaçao Airport Partners’ i Ministerio Públiko a tene kontròlnan di tráfiko i kobransa di but, den área di aeropuerto (F.D. Rooseveltweg/Hato). E kontròlnan aki a tuma lugá entre 13.00 or pa 16.00 or.
A kontrolá un total di setenta (70) vehíkulo i a partí un total di bintinuebe (29) prosèsverbal pa e siguiente infrakshonnan:
Manehá un vehíkulo sin:
reibeweis bálido;
ku e impuesto di vehíkulo ta pagá
seguro bálido;
karchi di kùr bálido;
faha di seguridat bistí;
sin plachi number na e parti di dilanti
Manehá un vehíkulo:
ku glas skur.