Fuera di e campaña y accionnan cu Wilhelminakankerfonds tin, no falta un espacio caminda cu nan no tin mester di voluntario. Voluntarionan ta hopi importante pa e fundacion. Carolina Span a drenta bestuur di Wilheminakankerfonds aña pasa. Y na comienso di e aña aki el a tuma e posicion di Volunteer Coordinator. Actualmente tin e accion di colecta y tambe e rifa. Tin hopi gasto y ta depende hopi riba e yudansa di comunidad di Aruba, incluyendo e voluntarionan. Awor aki cu tin e posicion di Voluntee Coordinator, kier haci’e cu tin voluntarionan full aña rond cu ta yuda cu tur e recaudacionnan di fondo y eventonan. Pa esaki a planea un Volunteer Orientation Night, cual lo ta dia 17 di Februari, for di 5’or di atardi pa 7’or di anochi, unda cu lo splica no solamente kico Wilhelminafonds ta haci pa Pueblo di Aruba, pero con volunteering por yuda den nan bida priva y profesional. E ta bay ta un sesion interactivo. Ta encurasha e hendenan cu ta bin pa duna idea tocante con nan por yuda. No ta bay enforsa riba e voluntarionan kico nan tin cu haci, pero ta encurasha pa explora bo habilidadnan pa asina yuda crece tambe. Span ta encurasha mas cu tur cos e hubentud di Aruba, cu por ta ainda ta den scol y ta purbando pa saca afo kico nan kier haci. Si tin algo cu nan ta bon den dje y explora den esaki, alabes pa yuda comunidad, esaki ta un bon oportunidad. Cu esey ta bisa cu e rifa ta bay cuminsa awo. Lo bay tin mester di voluntario. Si bo ta interesa pa cuminsa yuda prome cu dia 17 di Februari, bo por yama na oficina di Wilhelminakankerfonds, of manda un email na [email protected]. Tambe por subi su website y mira e trabaoann voluntario y tambe eventonan. Entrante dia 7 di April e actividadnan lo bay cuminsa te cu dia 12 di Mei, tur diasabra lo bay tin mester di voluntario pa subi caya y pa yuda colecta pa e actie di tur aña, Ta spera di haya hopi hende hoben. Ta encurasha famianan cu tin yiu bao di 16 aña cu ta interesa pa yuda, esaki ta un bon oportunidad pa haci algo cu bo yiunan, alabes siñanan e importancia di yuda den comunidad na un edad hoben. Si tin mas pregunta por tuma contacto cu Carolina Span na [email protected] y ta habri pa cualkier pregunta y sugerencia.
