Diadomingo a bin n’e clausura n’e aña Kiwanistico 2021-2022, unda cu Adra Richardson-Gumbs como presidente a baha.
Pero prome cu a haci esaki a haci un conferencia unda cu a haci un evaluacion di e aña. Tambe tabatin un orador, cu a duna tip con pa ta un lider, vooral den e temponan cu ta un tiki ‘challenging’. Esaki a tuma luga parti mainta. Parti merdia a haci un donacion na Fundacion Ban uni man pa cria nos muchanan. Despues di esey a sigui cu nan conferencia unda cu lo plania proyecto nobo p’e aña Kiwanistico cu ta bin, cuminsando na october.
Como presidente, Ricahrdson-Gums, tabatin evaluacion, cual a bay hopi bon. Tur miembro ta satisfecho cu e proyectonan cu a haci, tambe e donacionnan duna.
Kiwanis Club di San Nicolas ta un club nobo di apenas 3 aña y a mira con hopi nan a crece. Esaki a bay asina bon cu na augustus, Richardson-Gumbs, a representa e club na Canada unda cu nan a ricibi un ‘Distinguished award’.
Richardson-Gumbs a indica di ta hopi orguyoso di loke nan a haci, di e miembronan y di comunidad cu a acepta e club y tur stakeholder cu a aporta n’e club y a haci donacion, yudando e club logra pa nan ta unda nan ta aworaki.
E batuta a bay awo pa Joanette Vrutaal, kende lo fungi como presidente p’e aña Kiwanistico 2022-2023.
Pa mayor cobertura lesa TREMPAN.
