Mr. Luenne Gomez Pietersz, directora di Departamento di Impuesto, a splica cu e miho forma pa evita tur e discusionnan cu a surgi cu cobransa di BBO cu tabata varia na e negoshi ta pa no pone esaki riba facture sino incluy’e den e prijs.
Recientemente Minister di Finanza Xiomara Ruiz Maduro a anuncia cu lo elimina e parti di inclui BBO y BAZV riba factura, mirando tur e confusion cu esaki a trece cune desde prome di juli ultimo.
E director di DIMP a splica cu desde cu e Crisisheffing a drenta na vigor dia prome di juli tabatin hopi discusion atrobe entre e consumidor y e comerciante ya cu tin un porcentahe ta wordo menciona riba e factura pa e BBO, BAZV y BAVP. Pero enbes di 6% riba hopi factura e tabata aparece como 6.38%. E porcentahe actual combina ta 6%. El a duna e ehempel cu si cumpra un kopi y esaki bal 100 florin, na caha lo mester paga 106 florin. Pero e comerciante cu ta haya 106 florin di entrada lo mester bay paga 6% di 106 florin cu ta bira 6,38 florin. E ta pensa cu riba cada 100 florin e tin un perdida di 38 cent pa cual tin comerciante a scoge pa haci e porcentahe bruto o sea 6.38%, enbes di 6% cu Gobierno a anuncia. Esaki a trece masha hopi reaccion triba Facebook y cerca DIMP mes.
E directora a splica cu Aruba conoce un Omzetbelasting. Esaki ta nifica cu e “vergoeding” (entrada) cu un persona ricibi, riba esey mester paga belasting. E comerciante ta esun obliga pa paga e BBO y no e consumidor. Cu el a wordo desvia ta berdad y tur cos a wordo inclui den e prijs. Pa evita discusion na caha, a dicidi di hinke den e cambionan di ley cu ta bini riba tereno di impuesto. E BBO mester wordo inclui den e prijs, manera ta e conoce na Corsou y otro paisnan. Tur cos ta inclui den e prijs di e producto, hasta ganashi di e comerciante. Esaki pa evita tur sorto di discusion. Awo no tin obligacion pa pone riba factura, solamente e BAZV y esaki, e ta bisa, ta trece discusion. Kier elimina tur esaki pa tin un linea con esaki ta sosode y con ta cobra BBO, BAZV y BAVP.
