Durante e weekend largo, RCA a organisa nan prome evento di “Kings Cup Kickball Tournament”, den cual a participa ocho team. Nan tabata Stay Thai Fit, Total Services, Brandweer, KPA, Kick-A-Holics, The Gladiators, Douane y Red Machine. Den e weganan amistoso a conta cu Burache Crew, Just4Fun, directiva di Riverplate, Bubali, Dakota, RCA como tambe teamnan veterano di Estrella, Nacional, Dakota y Inter.
Riba e prome anochi tambe a tuma luga e wega amistoso di kickingball entre Aruba y Venezuela. Cu tremendo ambiente musical di Shine Music, e wega final tabata grandioso entre Kick-A-Holics vs Stay Thai Fit, cu finalmente Kick-A-Holics a titula campeon y Stay Thai Fit a keda como sub campeon.
RCA ta gradici tur e teamnan y tambe na tur esnan cu a yega RCA Arena y asina a coopera pa e meta principal pa engrandece RCA Arena pa nos futuro futbolistanan.
RCA no por lubida di gradici su sostenedonan cu a haci e torneo exitoso: Tropical Bottling Company NV, Compra, Andina Ice, Bright Bakery, Bohama Aruba NV, ECA, Monarch, Willy Construction, Welcome Back, Tricolores Corner, Pricemart y High Performance.
