Rob Jetten, Minister di Energia di Hulanda ta haci un bishita di trabou na Aruba otro siman. E bishita ta den cuadro di e transishon di clima y energia na e islanan. Minister Jetten lo papia cu Gobernador, cu Prome Minister y cu e Presidente di Parlamento hunto cu e Lidernan di Fraccion den Parlamento. E bishita tambe ta den cuadro di e prome Caribbean Climate & Energy Conference (CCEC) cu Aruba y Hulanda ta organisa for di dia 10 te 12 di mei.
Durante e conferencia representantenan di e islanan den Caribe, pero tambe partidonan relevante pafo di e region, manera por ehempel estado insular den Ocean Pacifico, organisacion di Nacion Uni, instituto di conocemento y instancia financiero ta combersa cu otro tocante di e posibilidadnan pa acelera e transishon di clima y energia na estadonan insular chikito.
Riba e ultimo dia di e conferencia, e minister ta bishita varios proyecto di energia duradero y e ta tene combersacion cu studiantenan di Universidad di Aruba y di EPI.
E islanan chikito, manera den Caribe Hulandes, ta particularmente vulnerabel pa cambio di clima y ya caba nan ta experencia e efectonan negativo. Hulanda y Aruba kier promove e cooperacion den accion climatico entre e islanan chikito mundialmente. For di 10 te cu 12 di mei nan ta organisa e prome Caribbean Climate & Energy Conference (CCEC) na Aruba.
Hulanda y Aruba kier haci di e islanan den Caribe un ehempel p’e enfoke climatico riba eilandstaat chikito. Riba invitacion di Prome Ministro di Aruba, Evelyn Wever-Croes, y Ministro di Clima y Energia, Rob Jetten, representante di diferente pais y organisacion ta reuni na Aruba. E prome dia di conferencia ta concentra riba e transicion di clima y di energia den Reino Hulandes. E islanan Caribense di Reino ta discuti loke ta necesario den termino di cooperacion pa logra e obhetivonan climatico di Paris. E di dos dia di conferencia tin un orientacion internacional; despues, un panel amplio di pais y organisacion lo discuti e accion climatico cu ta necesario pa tur isla di henter mundo. E di tres dia, e participantenan ta bishita proyecto di energia na Aruba y ta papia cu hoben tocante e transicion di clima y energia riba e isla.