Aruba Airport Authority N.V. a suspende nan trahado Kevin Wever for di su trabou como miembro di siguridad, despues cu a sali publicacion cu e tabata meti den un pelea den restaurant durante fin di siman. Sinembargo, ayera diamars el a haya chens pa defende su mes y na final a dicici cu ta pone bek na trabou normal. E caso ta keda pendiente e proceso penal cu ta canando, den man di polis.
E locual a sosode cu Kevin Wever ta masha normal, di acuerdo cu e proceduranan di recurso humano na Aruba Airport Authority. Asina cu un trahado hay’e den problema cu husticia, ta suspend’e den forma disciplinario, pa su mesun siguridad y pa proteha integridad di e compania. Otro trahadonan cu tambe haya nan mes den problema, a pasa den e mesun procedura. Locual ta mara na e regla ta cu ta duna e trahado un chens pa defende su caso y e comision na final lo dicidi si e por sigui traha bek of no. Den e caso aki e comision no ta mira motibo pa mantene e miembro di siguridad riba suspension.
Mester menciona cu den fin di siman Kevin Wever a hay’e den problema cu e rumannan Nigel y Chris Williams. Su mama a bisa cu e rumannan Williams a maltrat’e di trincion. E tata di e dos yiunan Williams a keha di otro banda cu Kevin a coba nan mama y a scupi riba nan den Gusto Night Club, pa cual a contesta cu un mokete den boca. Ambos partido a keda di keha otro na polis pa e mesun motibo aki. Te ainda polis no a tuma un decision si ta detene nan of no.
E hecho de facto no ta algo grandi, pero como cu ta yiunan di lidernan politico, e ta duna e caso extra atencion.
