Recientemente a start cu su stage final, e hoben Arubano studiante di maestro di deporte, Kenrick Peterson. Kenrick den 4-to aña di e studio pa maestro di sport na Hogeschool van Arnhem & Nijmegen (HAN), Hulanda.
For di februari te cu fin di e aña escolar aki, lo e ta coriendo su stage final na Filomena College mavo, Aruba. E ta haci esaki bao guia di maestro di deporte Roan Petronia, cu tambe a haci e studio aki den pasado na Nijmegen.
Cu esaki Directie di Filomena College mavo na San Nicolas ta stimula e hoben di Aruba cu ta studia na tera frieu pa conoce e parti laboral profesional di e maestro, segun director Herbert Goedgedrag. Team di Filomena College mavo ta yama Kenrick bon bini y ta dune tur palabra di exito.
