Desde diamars 7 di mei tur e alumnonan di MAVO y como tambe HAVO y VWO ta inicia un mas intensive y decisive, mirando cu examen 2019 ta duna su inicio.
Esaki ta un temporada di sacrificio, dedicacion y determinacion ta loke e alumnonan aki tin nan dilanti, unda cu nan tin cu haci tur loke ta nan alcance pa logra termina nan scol secundario.
E temporada di examen semper tin su retonan, tanto pa e alumnonan como pa e docentenan y sin lubida e mayornan. E docentenan durante di un trayectoria cu a inicia caba desde e luna di augustus a bin ta prepara e muchanan pa e temporada dificil aki, brindando e miho enseñansa den nan materia. Awo ta akeda na e alumnonan, pa hasi nan esfuerso maximo y cu e dedicacion necesario pa por logra termina cu exito nan scol secundario y asina continua cu nan enseñansa mas avansa.
Ta hopi importante pa nos como comunidad, docente y mayro pa encurasha y motiva nos alumnonan cu caba scol secundario, pa sigui studia y bira un profeshonal. Nos mester di cuidadano hoben critico, analitico y profesionalmente prepara. Conjuntamente nos por sigui desaroya nos Pais enfrentando asina tur e retonan cu nos tin nos dilanti na un manera profeshonal. Aruba sigur mester di mas yuinan di tera studia y boso tin tur capacidad y potencial pa ta exitoso den boso studio y bida. No laga nada kibra bo deseonan. No laga ningun obstaculo desviabo for di bo meta.
Mi ta desea tur mi coleganan di tur MAVO, HAVO y VWO specialmente mi alumnonan hopi exito y perserverancia den e ultimo trimester aki. Hunto nos por logra hopi y cu e motivashon di nos alumnonan nos por logra un resultado satisfactorio e anja escolar aki tambe.
