Djaluna 12 di novèmber 2018, alrededor di 16.54 or, Sentral di Polis a risibí notifikashon di un kaso di hogamentu ku a tuma lugá na playa Jeremi.
Unidat di Barber ku a yega na e sitio a tuma nota di un persona maskulino riba e bich for di su konosementu.
For di investigashon a sali na kla ku e víktima tabata landando/snòrkel na e playa en kestion ku algun amigu/famia i dado momentu ora ku nan tabata bayendo kantu, nan a bin ripará ku e víktima a keda atras.
Un siudadano ku a nota ku e víktima tabata konfrontá problema pa bai kantu, a bula na awa i trese e víktima kantu.
Ambulans ku a presentá na e sitio a trata na reanima e víktima pero sin resultado.
Dòkter di polis ku a yega na e sitio, a konstatá morto di e hòmber Johannes Jacobus Van Der Burg, nase na Hulanda, 2 di òktober 1951.
Riba òrdu di Fiskal di Ministerio Públiko a konfiská e kurpa sin bida di e víktima pa mas investigashon.
