Siman pasa a tuma luga e di 50 TPIE Plant Show na Tampa Florida. Juliana Hernandez Grounds Manager di Marriott Hotel y su Supervisor Gregory Kelly a atende na e EXPO aki cu tabata for di 17 te cu 20 di januari.
Juliana Hernandez ta atende na e TPIE Plant Show tur aña pa asina ta na altura di tur cos cu ta pasa den e mundo di mata, kimico, vitamina, mashin y malesa di mata etc.
E prome dia Juliana Hernandez y Gregory Kelly a bay riba e bustrip cu a bay na Apopka Florida y a bishita: Moss Hill Foliage Inc, Costa Farms, UF/IFAS mid Florida Research & Education Center, Live Trends Design Group LLC y AG2 TC LLC. Na cada luga cu a bishita nan a splica di nan negoshi y kiko nan ta produci pa bende.
Na UF/IFAS mid Florida Research & Education Center profesor Lance S. Osborne Ph.D cu ta IPM-Biological Control of Insects and Mites Associate Center Director di Mid Florida Rec a splica cu dia 30 di juli 2020 nan a constata un insecto cu tabata come e blachinan di mata
na un bibero na Orange County. E insecto a haya e nomber di Thrips Parvispinus cu ta comun na e parti tropico di Asia. A detecta Thrips Parvispinus den Anthurium, Egg Plant, Gardenia, Hoya Peppers y Schefflera. Esaki a yama hopi atencion cerca Juliana Hernandez y Gregory Kelly, pasobra ora di cumpra mata nan mester tene cuenta cu e mata y controla bon si e ta liber di insecto.
Durante e bus trip, Suzanne Wainwright-Evans, yama Buglady a papia mas di e insecto/bug y kico tur por haci pa prevencion. Ta uza diferente kimico pa diferente insecto y tur kimico tin su duracion.
Durante e dianan di EXPO nan a bishita diferente booth y a intercambia cu varios entrepreneur tocante kico nan mester uza pa tin nan matanan asina bunita etc. Tambe tur e mashinnan cu nan ta uza. Un EXPO hopi colorido y cu hopi informacion di e mundo di mata.
