Ya for di aña pasa a bin ta anuncia cu pronto Aruba lo por difruta di un pelicula nobo den e idioma di Papiamento, titula, Cronico. Director di e pelicula, Angelo Croes, a conta cu den e storia aki lo trece pa dilanti con un persona ta abusa y mata varios mucha chikito. Den un combersacion cu un dje actornan, Julian Cruz, el a conta tambe cu e ta un actor nobo, e no tin mucho experiencia, pero cu un trayectorio di un aña di training, el a logra acumula e experiencia necesario pa haci su debut como actor.
Asina Cruz a sigui conta cu prome cu nan a inicia e grabacion mes, e actornan a ricibi ayudo di un actor/director Spaño, Arturo, kende a siña nan con pa mehora nan actuacion y esaki sigur a yud’e ora cu a cuminsa graba ya cu el a keda corda tur e tipsnan y implementa esakinan debidamente.
Den e pelicula “cronico” mes, Cruz ta hunga e rol di Jeremy Petrochi, un persona ‘calculador’, pues cu no ta worry kico e tin cu haci pa haya loke e kier y ta plania cada stap “pa logra loke e kier.” Cruz a bisa cu e tema di e pelicula ta uno hopi fuerte y importante, adresando e problematica di abuso di mucha y cu esaki nan ta spera cu e pelicula trece mas conscientisacion riba e topico aki. E actor a bisa cu nan a duna tur di nan parti pa trece e mensahe eyfo.
Pa un relato mas amplio, lesa edicion di TREMPAN.com
