Fundacion Kapel di Bethania( FKB) hunto cu Museo Arqueologico Nacional Aruba ( MANA), diferente instancia como persona manera Glen Lacle di Stichting Vrienden van het Sport Centrum San Nicolas, IBISA, fundacion 1403 y Scout San Dominico a traha hunto pa ofrece un evento asina bunita den e bario di Noord. Specialmente e muchanan como tambe e comunidad di Aruba pa por a goza di un mainta familiar na “Klooster Imeldahof”.
Mientras e muchanan, hunto cu nan mayornan, tabata pasa pret na diferente wega tradicional of hisa nan fli, otro a pasa pa haci e workshop ofreci pa e artistanan Gloria Feliciano y Erika Moran. Obra traha cu glas di lama y pintamento. Asina tambe nan tabata cana rond admirando of haciendo e quiz di e exposicion di e kapel. A pasa na e photobooth pa saca potret familiar como un recuerdo di e dia cu e decoracion special haci pa Dia di Rey. Por a cana rond pa mira y cumpra na e mini bazaar y sin lubida di disfruta di un sopi of snacks ofreci pa FKB y scout. Tur esakinan hunto a haci un dia cu hopi actividad pa un y tur.
Na final di dia, a termina pa saca premionan di e carchi di actividad. Esaki ta un di e formanan cu FKB a haci pa logra haya fondo pa sigui mantene y conserva e Kapel, exposicion y edificio. Un danki ta bay na comerciante cu a coopera asina bon cu Fundacion Kapel di Bethania pa por a logra otorga e premionan aki na e participantenan.
Ganador di e ticket di actividad ta: Jencey Peterson cu a gana un weekend stay danki na Caribbean Palm Village Aruba. Max Ccent a gana un sunset sail cortesia di Pelican Adventures. Naömar Limonier a gana su lunch na Old Cunucu House Restaurant. Cain Koolman a gana gift certificate di Moomba Beach. JKion Pieter a gana gift certificate di Nikkei. Jacob Croes y Ruben a gana nan gift certificate di Paseo Herencia. Marveline Bokehoudt a gana su gift certificate di GF. Marchel Kelly y Franco Bik a gana nan gift certificate di Blue Sport y Luck Browne a gana un bunita cuadra cortesia di e Artista Erika Moran.
Fundacion Kapel di Bethania ta sumanete agradici cu tur e instancia y na comercio cu a haci na esfuerzo pa comunidad muy specialmente pa nos muchanan por a pasa un dia asina dushi Celebrando Dia di Rey. Ta gradici tur nos comerciantenan cu a coopera cu nos: Giselle Department Store, Nikkei Sushi, Old Cunucu House, Blue Sport, Paseo Herencia, Moomba Beach, Pelican Adventures, Carribean Palm Village. Tambe na Gloria Feliciano y Erika Moran
Un gradicimento special pa Subway pa nan generosidad di a regala dos plater pa e muchanan di Kinderhuis Imeldahof por a difruta como nan particiapacion na e dia aki.
Ta recorda tur hende cu lo tin gana di pasa bishita Klooster pa e 2 exposicionnan of pa bishita e Kapel, cu lo ta habri, dialuna, diaranson y diahuebs for di 9 am te cu 3 pm.
Si ta desea di haci un donacion na nos Fundacion Kapel di Bethania, lo ta posibel tambe pa deposita riba nos cuenta di Banco na Aruba Bank number di cuenta : 6021690190. Di antemano ta gradici pa e gesto aki y asina yuda nos pa preserva y cuida e e kapel di Bethania y exposicion di “Historia di Parokia di Noord”.
