Temporada di Carnaval a inicia dia 11 di november y pa celebra esaki, SMAC a hacie na un manera diferente. Pa SMAC e evento a bay bon.
Jason Brown, presidente di SMAC, ta satisfecho aunke cu e evento tabata riba man, pero a bay manera e tabata kier. Hopi hende a decora nan auto y a pasa den un bon ambiente. Pa prepara tur cos y mantene e distancia social, esaki tabata un reto. A logra esey cu e bon trabou di directiva di SMAC, Crisis Team cu a duna nan conseho y pone e reglanan, e cooperacion di KPA cu a vigila cu tur hende a mantene na e reglanan.
Pa añas Ruben Garcia ta encarga cu esaki y un biaha mas a acerc’e. SMAC ta gradici tur cantante, pero tambe Claudius Philips pa hinca tur cos den otro. A demostra cu door di traha hunto, ta pone Carnaval riba pia. Desde 5:00PM autonan a cuminsa yega den caya grabndiy a haci esey den un forma yen ambiente. Esaki tabata e prome test di SMAC den e normal nobo y lo sigui mira kico por of no.
Claudius Philips, cantante Mighty Talent di OREO, tabatin menos di un siman pa organisa algo. Prome cu e evento nan a bin caba cu e jingle y p’esey ta spera cu esaki ta cay na agrado di tur hende. Philips nunca a traha un jingle pa Carnaval, pero el a haci algo diferente cu esaki. El a purba di combina e jingle cu Carnaval y conscientisacion. Pa e por composita un cantica di Carnaval, Philips a bisa cu e no ta skirbi esey lunanan adelanta. E ta traha su canticanan e momento ey y ta spera cu e cay na agrado.
