No ta prome biaha, pasobra den su hit internacional “Machika” di tres aña pasa tambe el a dedica atencion special na nos idioma papiamento. E siman aki, ora a lansa “Morena” a nota cu atrobe el a subraya nos idioma y e biaha aki hasta a corda riba e Hulandes, pa mustra mundo completo cu na Aruba nos ta domina cuater idioma facilmente.
Locual mas a hala atencion y ta di aprecia, cu e no ta wanta e exito pa su so y no ta enfoca riba su mes, sino a promove otro nombernan grandi di Aruba internacionalmente, manera di Xander Bogaerts. El a canta cu e tin un bate manera di Bogaerts, pues “solo hit”. Es mas, na final di su couplet, e ta canta cu e chick pa su special, riba cual e ta recomenda e mucha muhe pa pasa na e truck di Piet.
E couplet di Jeon den e cancion:
Soy-Soy tu gordito, pero de oro. Si tienes frío, quita tu oso. ‘Tamos graso, lleno de gozo. Baila con Felix, no soy celoso, un ta cos no. Mi tin un bate manera Bogaerts, solo hit. Top’e mucha band’i, baño, masha sweet. Mi ta loco pa peg’e pero e kier pega weed. E kier pa mi special, wel Truck di Piet.
E refran di e cancion ta den man di Jeon y eynan tambe el a enfoca, no solamente riba e ritmo, cu ta cera durante e parti aki di e cancion, pero tambe a los un frase na Hulandes. Specificamente el a canta “naar beneden, swa” pa cual mesora e ta identifica cu e mercado di Hulandesnan y specialmente e Antiano, Arubiano y Surnameñonan biba na Hulanda.
E refran, cu Jeon ta canta, ta zona asina:
Ay, si te gusta el reggaetón: Abajo. Con un beat bien cabr*n: Abajo. Échale má’ sazón, abajo. Naar beneden swa, Abajo.
Aña pasa e artista Carlos Arroyo a haci su comeback y desde esaki no a tuma ningun descanso. Dia 15 di juli ultimo el a lansa su cancion nobo titula “Morena” hunto cu su video exclusivamente riba Billboard.
Pa haci di e cancion aki uno espectacular el a haya colaboracion di e arista famoso di reggaeton, Nicky Jam hunto cu nos propio Jeon, cu ta enfoca mas den e genero urbano. E artistanan a presenta un cancion cu ta dal duro, cu un fusion di reggaeton y dembow y tambe ritmonan di medio oriente.
E siman aki a lansa e hit internacional “Morena” di e cantante Carlos Arroyo hunto cu Nicky Jam y Jeon. Arroyo ta un Portoriqueño di 41 aña di edad, hungado profesional di basketball y cantante di reggaeton. Nicky Jam di 40 aña di edad ta naci na Merca pero di mama Dominicana y tata Portoriqueño. Jeon ta naci na Santa Cruz, na Aruba di tata y mama Arubiano y ta un cantante cu hopi exito.
E cancion “Morena” ta conta di un homber cu ta purbando di conkista un mucha muhe cu e gusta na un club. E melodianan y hooknan di e cancion lo recorda fanaticada di cancion di old-school reggeaton manera “Dale Don” di Don Omar.
