Atleta Jennifer Piter a sali ajera pa bai competi den e World Masters Weightlifting Championship cu ta tumando lugar na Montreal, Quebec, Canada fecha for di 16 pa 24 augustus 2019.
Jennifer cu a bai bon prepara lo competi diabierna 23 augustus 2019 pa 13:45 di atardi. Jennifer lo hisa den grupo di edad di 35 pa 39 anja y lo competi den categoria di 59kg. E competencia ta tuma lugar den e Center di Pierre-Charbonneau den Olympic Quarter di e ciudad. Aruba Amateur Weightlifting Association y Muscles and Lungs Barbell Club ta desea Jennifer Piter tur clase di exito den e World Masters Weightlifting Championship na Montreal.
Tambe tin oportunidad pa sigi e competencia live via e website https://montrealmasters2019.com/live
