Yiu di asesino Jairo Chalgut gara cu 4 kilo di cocaina

Awetardi a gara un pasahero saliendo for di Aruba cu un cargamento di cocaina den su maleta. Ta trata di e homber Jurick Chalgut, kende tabata envolvi cu husticia caba, entre otro atraco arma riba un taxista na South Beach y tambe e tabata cera pa otro casonan di atraco. E persona aki na 2015 a cay cera y a caba di sali di prizon. Su tata ta cera riba e asesinato cruel na De Vuyst, esta Jairo Chalgut.

Jurick Chalgut tabata biahando pa New York, ora cu den su poder, den su maleta, a haya 4 kilo di cocaina. Douane di Aruba a tuma e detenido pa interogacion y despues a informa e Departamento di Crimen Organisa di Polis encarga cu droga pa tum’e over.

Yiu di asesino Jairo Chalgut gara cu 4 kilo di cocaina

Yiu di asesino Jairo Chalgut gara cu 4 kilo di cocaina

Posted by 24ora on Tuesday, August 20, 2019

E droga aki riba mercado pa unda e tabata destina, esta Merca, tin un balor di 30 mil dollar pa kilo, pero mientras cu e ta wordo parti riba e mercado, e balor di 120 mil dollar lo sigui subi.

E maleta uza pa transporta 4 kilo di cocaina di Aruba pa New York

Comments

comments