Miembronan di Aruba Food & Beverage Association ta den operacion pero no a yega ni na e punto di break even ainda. Aepsar di esey nanta contento di por ta den operacion y ta traha, danki na Loonsubsidie y cu speransa cu cos lo drecha.
Te aworaki nan tin mas o menos 100 restaurant cu ta den operacion desde cu e normal nobo a cuminsa. Jan Van Nes, presidente i e organisacion,a bisa cu e or compronde cu debi na e desaroyonan actual lo tin medidanan nobo na caminda, sinembargo no ta compronde mucho algun di decision tuma.
Manera esun cu ta permiti solamente 4 persona sinta na un mesa den restaurant. El a duna e ehempel di un famia di seis persona cu a pasa henter dia hunto, explorando e isla, of famia local, cu ta bay restaurant cu seis persona y mester separa nan. Nan ta kere cu si ta trata di un grupo di famia of un grupo cu a pasa henter dia hunto, ta haci cu e medida di 4 persona pa mesa no tin sentido.
Van Nes a sigura cu restaurantnan ta mantene nan mes completamente na e Protocol introduci door di e Crisisteam di DVG. Y a constata cu tur hende ta mantene nan mes na esaki, entre otro distanciamento social y higiena. Aworaki esey ta trece un handicap pa e restaurantnan y limitando esaki, ta afecta e empresa hopi mas.
E ta admiti cu tin un nerviosismo grandi, y stress. SI no tin loonsubsidie, rond di 80 restaurant por cera nan portanan a corto plaso.