Aña a habri Aruba cu dos caso di asesinato y esakinan tabata haci pa dos hoben menor di edad. James Sneek ta un criminologo y tin basta experencia di a traha cu detenidonan, di cual el a traha cu hobennan cu a haya nan mes den problema cu husticia. Manera tur hende, e tambe a haya shock di mira cu esaki a pasa.
Di mira tipo di caso cu ta shock comunidad, esey ta mustra pakico e comunidad ta para p’e. Sneek a splica cu comunidad ta preocupa den ki direccion e hobennan ta bay y den e caso aki tin conducta di criminal. Mayoria di reaccion den comunidad no kier esaki.
Den criminologia nan ta uza diferente disciplina pa bisa kico a tuma luga, pero tambe pa describi kico a tuma luga. Na momento nan haci esey, ta uza metodo pa por describi kico a tuma luga.
Diferente factor por hunga un rol manera socialogia, psicologia y antrologia. Pa loke ta trata e dos casonan di asesinato, no tin hopi detaye pasobra ainda tin investigacion andando. Pero un di e tres factornan lo a hunga un rol pa un persona tuma decision pa bay den e extremo aki.
Tin hopi crimen y delito, di cual e victima y sospechoso tin un relacion cu otro, el a splica. Mayoria di biaha esey ta e caso, pero tambe por ta cu nan no conoce otro. Aunke mayoria caso ta cu nan conoce otro y tin cosnan cu a pone cu e cosnan aki a pasa. Sneek a splica ora ta trata di hoben cu por tabata bou di un influencia di un substancia, ta haci uzo di socialogia pa mira kico a tuma luga, cu ken e hoben ta anda, e bario, si a caba scol of no.
Un entrevista amplio y interesante.