Ta fin di siman so por a nota cu e cantidad di casonan positivo nobo a baha. Asina cu yega den siman por a nota cu e cifra ta subi atrobe.
Segun resumen di awe 13 di januari, 41 persona a recupera, a registra un total di 74 caso nobo di COVID-19, di cual 71 ta residente y 3 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 442 test. E “Postivity rate’ entre nos residentenan ta 27%.
Activo tin awe 624 caso, cantidad di fayecido relaciona cu Covid-19 ta 52 persona.
Hospital ta informa cu tin un total di 24 persona interna di cual 9 ta den Cuido Intensivo y 15 riba unidad general di COVID.
