James Fazzio, director di Aruba Airport Authority, a bay Boneiro riba e prome vuelo di Aruba Airlines pa Boneiro. E ta indica cu ta hopi importante. Na prome instante, el a splica cu e vuelo tabata maraviyoso. E vuelo tabata na ora y como cu e ta un vuelo inter insular e ta spera cu e vuelo lo ta mas tempran. E ta un logro grandi y ta un mercado cu tabata sirbi inapropiadamente. Si bay bek algun aña atras, tabata tin por lo menos riba 100 mil pasahero cu ta biaha entre Aruba y e demas islanan esta Corsou y Boneiro. E aña aki, e tabata menos cu e mita. E airservice lo stimula e mercado cu ta uno drumi, cu ta sinta ta warda pa transporta pasahero turismo y di negoshi. Aruba Airlines ta haciendo esaki cu e avion adecua y e tin bon prijs. E ta bon pa aeropuerto di Aruba y tambe Boneiro.
Un bon partner
Aruba Airlines ta un partner excelente pa AAA. Esteban Valles y su team ta tumando esaki hopi serio. Nan a mira e otro aerolineanan den e region ta lucha cu e servicio y pa sostene esaki, ta brinda un servicio aereo adecua y ta esey e pasaheronan ta. Nan ta haciendo un bon trabao den conecta Miami cu Venezuela y awo e conexion interinsular. Tin plannan grandi cu aeropuerto ta premira di ta forma parti di dje.
Kico Aruba por spera
Te asina leu, AAA ta mira un aumento den vuelonan Mericano. Esey ta un bon cos pasobra e hotel y e economia di Aruba ta fiha riba turismo Mericano. No ta mira hopi crecemento den e mercado Europeo, Sur Americano si por bisa cu ta aumenta, vooral Colombia, e economia di Brazil ta bon, Argentina y Chile ta mirando mas y mas pasahero, conecta na Bogota y Panama. Tur cos cu ta haciendo awor aki den termino di opera e aeropuerto, e vision di pronostico pa futuro di crecemento continuo ta bon.
Y loke a bin a cuantifica ta e turismo cu a wordo pusha for di luganan cu a wordo afecta pa e horcannan algun luna pasa, manera BVI, Puerto Rico y St. Maarten. Desafortunadamente hopi di nan infrastructura no ta funcional.
Ta sinti parti di dje, pero por midie bon. Ta spera cu den e proximo lunanan por mira mas di esaki.
Entrada financiero
Segun Fazzio, pasaheronan ta parti di nan ingreso. Tambe nan ta tuma bentaha di e consesionnan y tambe carrentals. Pa aeropuerto mientras cu e cantidad di pasaheronan subi, nan entrada tambe ta subi.
Bon cifranan financiero
E cifranan financiero di aeropuerto tabata stabil. Nan ta sin debe cual ta algo remarcabel. E ta inusual den e industria, segun Fazzio. Nan tin un di e balancesheet nan mas stabil na Aruba. Nan ta mantene nan gasatonan operacional riba liña. No tin rason pa pensa si cu e trafico aereo lo baha. James Fazzio den corto palabra, ta contento tur aña.
