Un accidente basta pisa, pa loke ta daño material, a tuma luga awe mainta tempran na San Nicolas.
A bati alarma un poco despues di 7’or di mainta, net riba Bernhardstraat. E dos vehiculonan envolvi tabata un Isuzu Dimax color
blanco y e otro ta un Nissan March (preto).
Segun chauffeur di e Isuzu, e tabata direccion area principal di centro di San Nicolas, mientras cu e March tabata saliendo di San
Nicolas. Banda di IMSAN, e March tabata pasando varios vehiculo. Te ora cu dado momento a nota cu e tabata biniendo directamente riba dje. E unico forma cu e por a trata di evita e accidente, tabata pa subi acera. Sinembargo asina mes e March a alcanc’e.
Polis a detene e chauffeur iresponsabel, ya cu e tabata bou influencia di alcohol.
