Den fin di siman Ingris Molina a kibra su mesun record di aña pasa coriendo for di e Light House di Seroe Colorado te cu Aeropuerto. Na aña 2019 Ingris Molina a core 21 kilometer den 2 ora y 50 minuut y e aña aki el a core e mesun ruta den 2 ora y 20 minuut.
Ingris Molina a wordo acompaña pa Reinaldo y Raymond Anthony ariba bais y Sherard Wernet ariba brommer. Louisa Thode y Rushineldy Lejuez den nan SUV y Ito Rasmijn den su autobus 30.
Lorito Thodé a train y coach Ingris Molina. Ingris Molina a logra un PR nobo y tambe a baha peso. Ingris Molina a logra baha for di 85 kilo pa 57 kilo y a mantene esaki tambe. Ingris Molina su meta ta pa sigui train, come saludabel y prepara pa aña 2021, pasobra e kier logra kibra e record di 2020.
