Riba 20 di november a tuma luga un debate organisa pa Parlamento Hubenil. Dave Martinus ta presidente di e fundacion, durante un entrevista cu 24ora.com el a indica cu por mira bek riba un actividad exitoso. E evento a tuma luga riba un fecha special, Dia Internacional di Derecho di Mucha. E evento tabatin dos seccion. E prome parti tabata e debate y e di dos seccion tabata mas bien speech. E tema di e aña aki tabata inclusion.
E hobennan e debate riba e tema menciona dilanti nan mayornan, minister y parlamentarionan. E tabata un celebracion, segun Dave Martinuz. Esaki ta e inicio pa locual lo bira algo grandi pa den futuro. E debate a bay den bon direccion y riba nivel. Locual cu a resalta, ta cu; hopi talento scondi a bin afo.
E proximo paso ta pa organisa parlamento un poco mas y inclui mas scol, grupo y organisacionnan pa den futuro. Kier sigui cu eventonan di debate den bario y cu mucha mas pa conscientisa e hobennan riba e derecho pa expresa nan mes.
