E caso di violacion di un alumno di Ibero American High School ta masha lamentabel, pero e tin un rabo largo su tras. Na prome instante durante e conferencia di prensa convoca pa directiva di e scol, a indica bon cla cu nan no ta tolera ningun clase di inmoralidad ni inhusticia, pero di un otro banda, e scol a tarda pa tuma accion, mirando cu ya for di dos luna pasa nan tabata sa di e asunto y ta te cu 3 siman pasa a kita e persona culpabel for di trabao.

Si, segun director William Senteno, nan ta tene e victima hopi na cuenta y ta brindando e ayudo psicologico pa ki ora cu e tin mester, tin un persona cu por yude den esey. Scol no a tuma contacto cu Polis, mirando cu, segun Senteno, ya e mama lo a haci esaki caba y no ta necesario mas, cu nan lo haci loke nan tin cu haci esta conduci nan propio investigacion.

 

Ibero American High School ta garantisa mayornan di ta proteha alumnonan

Posted by 24ora on Thursday, May 23, 2019

 

Basa riba nan propio investigacion, ora di deal cu cierto circunstancianan y asuntonan manera esaki, mester tene cuidao. Pasobra hopi biaha ta un chens bo ta haya pa haci’e bon. Y mester di haci’e bon, ora cu bida y libertad di un mucha cu a wordo victimalisa ta na liña. Mester pone cierto emocion y sensacion un banda y enfoca riba e mucha, kende ta e victima.

Senteno a menciona cu e hecho cu e mama a bay Polis, ta e paso corecto y a bay na departamento di asuntonan social. Scol ta pensa cu e mama a haci loke ta corecto y Polis tabata na e scol hunto cu un trahado social. Esaki no ta e caso cu Polis no tabata na altura.

Segun Senteno, te asina leu cu e sa, no tin mas victima relaciona cu e caso aki. Ora ta trata tipo di casonan asina, nan no ta corta skina, tampoco nan no ta worry ken bo ta. Sea cu ta un famia of no. E interes di mas grandi ta e scol. E siguridad y proteccion di e alumnonan di e scol.

Tin biaha ta pone medidanan na nan luga y bo ta pensa cu nan tey pa yuda. Ta bringando e bataya aki tur dia. Den misa, na scol, na hospital, ta un bataya cu sociedad ta bringando y nos ta parti di e bataya ey. Senteno ta spera cu por gana esaki, pa bienestar di e victimanan.

Mensahe pa mayornan

William Senteno ta 100% sigur cu e mayornan di e alumnonan di e scol, nan sa ken e ta. Y nan sa loke nan ta para p’e colectivamente. Nan sa tambe cu ora nan yiu bay scol, nan lo ta proteha, hasta si e ta nifica pone nan bida na liña. Nan lo haci esey. Ibero American High School tin un record impecabel, ora ta trata proteha alumnonan y mantene standardnan moral. E no por papia pa tur otro scol, pero loke e ta papia ta pa Ibero.

Comments

comments