Tin un investigacion nobo andando. A drenta DIP diabierna. RST y Lands Recherche a drenta y confisca mas cu un computer. Ta papia di computer na tres empleado di DIP. Un di nan ta di inicialnan M.M, R.M y tambe J.C. Hues Comisario a dirigi e entrada hudicial na DIP.
Esaki ta un caso nobo cu tin sospecho di corupcion den e gobernacion actual y esnan yega na e gobernacion actual. Desde fin di siman nos redaccion tabata tin contacto cu Ministerio Publico y nan a confirma e entrada hudicial. Solamente nan no kier a menciona den cual caso. Parce cu e nomber di e caso aki ainda Ministerio Publico no kier divulga. Si por papia di un caso nobo cu sospecho di corupcion cu terenonan. No tabata tin detencion ainda. Awor ta bay coba den e computernan confisca.
Eynan lo saca informacionnan importante pa e sospecho cu a lanta. No mester lubida cu ex minister Marisol Tromp a haci mas denuncia riba iregularidad den e gobernacion cu el a sostene y goberna algun luna. Aunke a core cu Marisol na un forma peculiar for di gobernacion, tog e denuncia no a wordo para. E investigacion a sigui. E entrada hudicial tabata algo cu e gobernacion aki no a spera prome cu eleccion. Dor di core cu Marisol a purba influencia e investigacion. Esaki no a yuda parce pasobra hues comisario tur na bachi a yega DIP. Lo keda pendiente pa mas informacion cu nos fuentenan oficial di Ministerio Publico lo duna nos.
