Hulanda a gana e di 64 Festival di Cancion di Eurovision na Israel diadomingo, un competencia cu no tabata tin incidentenan grave, apesar na e yamado di gruponan proPalestino pa boicotea e evento.
Duncan Laurence, kende a canta “Arcade”, a vence otro 25 participante den e gran final na Tel Aviv y a bay cu e microfono di cristal.
E competencia di canto a inclui un aparicion di Madonna, kende a causa controversia ora cu dos di su bailarinnan a aparece brevemente riba escenario bisti cu trahenan dorna cu e banderanan di Israel y Palestina.
E participantenan di Islandia tambe a mustra borchinan chikito Palestino durante e votacion.
Cu e victoria, Hulanda ta gana e derecho di alberga e competencia otro aña. Algo remarcabel ta cu despues di 44 aña, Hulanda ta bay cu e trofeo cas. Asina ta, Hup Holland.
