Por cuminsa duna e prome vacuna di corona riba 8 di januari, 2021, si e vacuna europeo haya aprobacion. Esaki minister di corona de Jonge a bisa den un carta pa Tweede Kamer. E invitacionnan ta cuminsa sali dia 4 di januari. E prome grupo cu lo yama ta trahadonan di casnan di cuido, di cuido di handicapnan, vergpleegsternan di bario y esnan di gemeente cu ta traha den cuido. Nan mester haci un cita telefonicamente y mas despues esaki lo sosode digitalmente.
Pa dia 11 di januari GG lo ta na tres localidad rond e pais pa duna e vacuna. Y for di dialuna, 18 di januari, e vacunacion ta tuma luga na 25 localidad central.
E fecha exacto cu ta cuminsa vacuna ta depende di e momento cu EMA duna su aprobacion y Comision Europeo permiti pa esaki subi mercado. A haya sa cu e aprobacion aki ta tuma luga otro siman. E fabricante Phizer por entrega e aa’ki ainda un cantidad chikito di vacuna, segun e minister, y e ta papia di un mey miyon vacuna.
Dos inyeccion
Vacunacion cu e vacuna di BioNTech/Pfizer ta consisti di dos dosis. Entre cada proceso di ricibi e vacuna tin tres siman. Ta bay vacuna shete dia pa siman, y e orarionan di apertura lo ta amplio.
Minister Hugo de Jonge: ,,Den consulta cu GGD y RIVM a scoge pa un planning cu ta cauteloso, sigur y responsabel. Na final di cuenta e meta ta un grado mas halto di vacunacion posibel. Esey nos ta logra solamente si e hendenan tin confiansa den e vacuna y den e proceso di vacunacion.”
